Channel 
Contributing € 10
Cucha y gana
Agradecimientos na güeb+sortéu cesta con productos ecolóxicos de la nuestra güerta
¿Sabes qu'esta aportación desgrava? Míralo equí
> 28 Co-financiers
About this project
Somos un proyectu de güerta ecolóxica familiar; queremos contribuir a revitalizar el campu; buscamos una forma de vida sostenible.
Show list of needs
Infrastructure
|
Minimum | Optimum |
|---|---|---|
|
primera fase nave-almacén
Con esto podremos poner los cimientos de lo que va ser la nave
|
€ 10.000 | |
|
Cámara de fríu
Cámara pa poder da-yos más vida a dalgunes frutes y verdures
|
€ 9.000 | |
|
Llagar
Una prensa pa poder mayar la mazana pa la sidra'l duernu y la vinagre
|
€ 6.000 | |
|
Plaques solares y bateríes
Plaques fotovoltaiques y bateríes pa poder almacenar la enerxía
|
€ 10.000 | |
| Total | € 10.000 | € 35.000 |
Necessary
Supplemental
General information
Depués de 6 años nuna cooperativa agroecolóxica y formar una familia, cola llegada de la nuestra fía Dulia va casi 3 años, decidimos dar el saltu y mercamos una finca nel llugar de Monga (conceyu Nava) a finales del 2020 pa entamar un proyectu propiu de güerta ecolóxica de temporada y diversificada, qu'aprovecha les canales cortes de comercialización col envís d'humanizar les relaciones productora-consumidora.
Na primavera del 2021, la finca na que 40 años atrás coesistíen lúpulu y tabacu, volvía ver cómo de la so tierra medraben otres plantes y frutos. La Güerta Monga compónse de 1.200 m2 cubiertos repartíos en 4 ivernaderos de los que nesti branu yá coyimos los primeros tomates, pimientos o berenxenes y d'otros 6000m2 albentestate nos que punxemos coles, puerros, calabacinos... La superficie restante vien siendo mantenida por otres compañeres nueves nesta aventura: media docena d'oveyes xaldes, una yegua y dos burrines son les encargaes de les xeres de desbroce y abonáu.
Pero amás de la finca principal, La Güerta Monga ta formada por otres dos finques: La Vallina nel llugar de Sienra (conceyu Nava) que va tar dedicada a frutales y Socabanas nel llugar de Cabanas (conceyu Tinéu) na que tenemos el patateru, el cebolleru, 100 nozales y 40 pumares de mesa.
Creemos na venta directa ensin intermediarios como la primer midida pa dignificar la nuestra profesión, amás que nos presta pola vida pone-y cara a les persones que-y dan aire a esti proyectu. Tenemos dos víes de venta: nel mercáu de La Pola (Siero) tolos martes y la venta na finca.
Valoramos la venta en places municipales como una apuesta política que ye necesaria pa dar visibilización al campesináu y la necesidá d'ocupar los espacios públicos qu'a poquiñinos van arramplándonos. Y d'otra manera, préstanos tener un día de "puertes abiertes" nel que la xente venga a mercar la nuestra verdura, visitar la finca, preguntar y compartir. Ye por ello que necesitamos un espaciu nel que recibivos pero tamién nel qu'almacenar la producción o nel qu'abellugar la ferramienta y maquinaria.
Main features and goals of the crowdfunding campaign
Los nuestros valores fundaméntense nos pegollos que siguen darréu:
- Soberanía Alimentaria.
- Apoyu Mutuu.
- Identidá Cultural.
- Responsabilidá Ambiental.
La Güerta Monga ye una apuesta agroecolóxica diversificada en tres exes:
- Güerta de temporada.
- Frutales: Mazana, pera, fresa, nuez.
- Tresformaos: Sidra'l duernu, zumu de mazana y vinagre de mazana madre.
Asina ye que l'oxetivu d'esta campaña ye la financiación de la primer fase pa la construcción d'una nave enerxéticamente autosuficiente que nos facilite'l trabayu, favoreza la conservación de la nuestra producción d'una manera sostenible y respetuosa col mediu ambiente, amás de poder facer los tresformaos que pretendemos.
Why this is important
Somos la primer xeneración que nun se crió nel campu. Ye por ello que sentimos la necesidá de facer xusticia coles nuestres families, toes elles campesines. Por eso la vuelta a la tierra, a los oríxenes, al oficiu de campesina, a los tiempos de la naturaleza, a reencontranos con ella y cola xente que valora lo que come, qu'aprecia'l nuestru trabayu y el llabor que facemos les persones que mantenemos el campu d'Asturies vivu.
Paula, estudió maxisteriu por Música pa depués especializase en Llingua Asturiana. Trabayó de maestra d'asturianu cuatro años hasta qu'entamó na cooperativa agroecolóxica d'El Nocéu nel 2015 de la que formó parte hasta la so disolución.
Xosé Antón, ye llicenciáu en Química pola Universidá d'Uviéu y formó parte de la cooperativa d'El Nocéu dende'l so iniciu hasta'l so fin.
Dulia ye'l motor que fai que too esto sía una realidá.
Social commitment
Climate action
Los nuestros valores tán ligaos a la economía social y solidaria: respetu al mediu ambiente, responsabilidá social, vínculu col territoriu y el desarrollu local, etc. Ye por ello que producimos alimentos ecolóxicos y, en dellos casos, mantenemos les semientes autóctones tradicionales. A la vez, vendemos les verdures de forma directa lo que favorez d'igual manera a quien produz, nesti casu nosotres, y a quien consume.
Per otra parte, la nuestra idea ye que la nave furrule con enerxíes renovables. Pa ello, queremos poner plaques fotovoltaiques y llegar a ser autónomes enerxéticamente.
Amás, tamién queremos facer actividaes vinculaes cola educación ambiental (visites guiaes tanto a particulares como a escueles y diverses organizaciones).
Sustainable Development Goals
-
Affordable and Clean Energy
Energy is central to nearly every major challenge and opportunity.
-
Responsible Production and Consumption
Responsible Production and Consumption
-
Life On Land
Sustainably manage forests, combat desertification, halt and reverse land degradation, halt biodiversity loss